نكات نكات

o من المعتقدات انه لازم واحد يسمّي قبل الأكل(يقول بسم الله)وإلا أكل ويّاه الشيطان..محشش ما ياكل غير البرغل أربع سنين..أخر شي طلعله الشيطان گال له:أخي العزير..مو روحي طلعت من هالأكله..لو تغيرها.. لو تسمّي قبل الأكل.

101) محشش گال لأبنه إذا تنجح اجيبلك مدرس خصوصي مُـلـُـك..

102) مدرس سأل طالب محشش گاله: أبوك شگد عمره گال ما أدري أستاد بس هوّه من زمان عدنه.

103) واحد خابر صاحبه طلعله إبنه گاله: أبوك هنا؟ گال: نعم گال: عرفتني منو؟.. الأبن طلع حشاش صاح.. بابا أكو واحد يريدك عالتلفون ميعرف هوه منو.

104) محشش سألوه عن عمره گال 30 وره عشر سنين سألوه گال 30 گالوا شلون ماكبرت؟ گال: احنه زلم كلمته وحده حتّه لو ألف سنه.

105) حشاش يسوق تكسي ركبوا ثنين رايحين لملعب الشرطه گالوله:إذا ممكن نادي الشرطه الله يخليك.. گال: ليش متحلّوهه بيناتكم اخوان.

108)محشش عنده ضرس مأذيه حيل راح لطبيب الاسنان گال له أريدك تشلعلي كل سنوني وتخليه هذا بوحده مثل الكلب.

116) محشش وگـّف تكسي گال له: فارغ؟ گال: نعم گال :متنزل نسولف شويه نگضي وكت.

117) لبناني يحج بمكه ..عطس گال له السعودي يرحمكم الله فرد عليه اللبناني: حبيب ألبي.

121)محشش خبيث سوه حفلة زواج.. وزع بطاقات بيهه الجمره الخبيثه.

122) محشش خبيث إشتغل مدير دار الأيتام..گاللهم راح أسوي أجتماع مجلس الآباء.

123) محشش خبيث طب لبيت يبوگ مالگه شي..خابر رقم بأمريكا وخله السماعه مرفوعه للصبح.

125) أثول رادوا يعذبوه انطوه ورقه مكتوب عليهه من الوجهين (إقلب الصفحه)

128) واحد گال لأبوه: بويه أريد (كيري).. قال له أبوه: والله ماتاخذ غير بت عمك..قال له: بويه كيري جبنه..قال أبوه: وبت عمك گيمر يبويه.

130) محجبه لابسه قصير.. گالولها: ليش؟ گالت: حتى أرضي الله وعباده.

133) ثنين إعجوزچيه..واحد اتثاوب ..الثاني گال له: مدام فتحت حلگك متصيحنا على ماي صارلي يومين عطشان.

134) محشش ويه صاحبته بالكازينو..أنگطع الكهرباء..گالتله: يلله إنتهز الفرصه....گام شرد بلا ميدفع الحساب.

135) محشش ديسوق دعم اللي گدامه..نزل ذاك گال له: شنو..چنك ماشايفني؟ گال: والله شايفك.. بس ما أتذكر وين.

136) أحول إتزوج عله مرته...طلعت هيه نفسهه.

140) محشش انسرقت سيارته..ركض وراهه ورجع گال:هم زين أخذت رقمهه

141) محشش سوه دعوه سرقة سيارته..گالوله:شگد رقمهه؟ قال : والله ثمنتالاف..ثمنتالاف وثمنميّه..بهل حوالي..المهم أقل من تسعميه.

143) واحد جاب شاهد زور يشهدله بالمحكمه گال: أريدك تشهد أني اطلب فلان مليون دينار..گال له : ليش لهسسه ما سددهن؟
o
148) شيخ جامع خله( سماعة مال مجيب ألي )مال تلفون..كل اللي يخابر يگول له:الشيخ غير موجود..أترك رساله بعد سماعك سورة التوبة.

149) محشش خابر الشرطه گاللهم:أكو حادث بيه خمسين سياره مگلوبه..إجوا لگوه يخابر من يم السكراب مال كسره وعطش.

150) محشش دخل عالمُلاّ رافع أصبعين(علامة النصر)..گال الملاّ:ها إنتصرنا؟ گال:لا بقينا بس إثنين.

151) محشش كمشوه الشرطه گالوله :تفضل بالسياره ويانه..گال:لا شكراً بيتي قريب.

154) شيخ جامع دخل على جماعه يحششون..گاللهم:حرام عليكم..گالوله كلهم: وعليكم الحرام ورحمة الله شيخنا.

155) محشش گالوله شنو أصعب موقف بحياتك؟..گال من ازين لحيتي وأني أعلچ.

160) مصري يگل لواحد عراقي: إنته بتستعبطني ولآ إيه..الدليمي گله:أسطع بطنك وبطن الخلـّفوك.

161) محشش راح لطبيب عيون گالّه: دكتور من أغمض بعد مأ أشوف.

162) محشش طلعله بيت بالجنه..فلّشه وسواه دكاكين.

163) محشش سألوه: إشگد كلفتك الروحه للحج؟ گال: خمسطعش ورقه غير المشروب.

164) محشش يگل لصاحبه: تصور كيلو اللحم بنص دينار ..صاحبه گال: عجيب !!وين هاي؟گاله: دا أگللك تصور.

165) محشش الله وفقه بنه بيت ضخم الباب مالته من زجاج..گام حطلهه عين سحريه.

167) محشش خابر مكتب الخطوط ..گاللهم: بالله شگد تستغرق الرحله للهند؟گاله الموظف: لحظه..سد الخط وگال لصاحبه: لا موبعيده كلش.

168) محشش يگول: أحسن خمس أشياء بالدنيه..الچاي والگهوه.

169) مصلاوي گال:إذا إجاني ولد أصوم خمس تيام..صار عنده ولد..صامهن..وره فتره مات الولد..گال:إلا أخصمهن من رمضان.

170) محشش سأل صاحبه: اليوم سبت لو أحد؟ گال:اثنين..گال:سبحان الله..چفته وحده!!

171) محشش اتهموه بسرقة سياره..گال:ماكو هيچ شي ..فتشوني.

174) محشش بليلة الزفه..ركض گبل الجميع للسياره حته يگعد بالصدر.

175) محشش ماشايف سياره خمسه گير..أشتره وحده گال: شنو فائدته الخامس..گالوله من تريدهه تطير بدل خامس..وره فتره ديمشي شاف حادث بنص الطريق..گال: أيه..إجه وكتك يالخامس.

176) محشش يسأل نفسه:منو الأطول..الزرافه لو النمر أسرع؟

177) محشش هدتله صاحبته ببغاء..وره فتره خابرته وسألته:شلونه الببغاء؟..گللهه:عادي مثل طعم الدجاج.

178) محشش يعزي ناس..شلون مات المرحوم؟ گالوله بحادث سياره..گال شنو أثول ميشوف؟

179) حشاش عطس ...صاحبه گح..گلله ليش تغير الموضوع؟

180) واحد خبيث طب للجنه قفل الباب وراه.

181) قزم راح يفصل قاط گل للخياط: شوكت أجي عليه؟ گلله أخذلك فره وتعال.

183)محشش بالسوگ أبنه گلله : بابا أحب النستله...گلله: بابا حبهه ورجعهه.

•
• الربيعي گللهم: ها.... لزمتوه لعزت..؟؟؟ گالوله: لا سيدي ... فص ثلج وذاب.
• مصري مطبب راسه بالبطل، گالوله شنو هاي شدتسوي گال: رأبتي سداده..
• اعمى گام يشوف صار بيه شلل من الفرحه.
• واحد متعاجز حيل... مرته دگت الباب گاللهه: انتي طالق.
• واحد فتح مدرسه للخباثه.. لما كمل عدد الطلاب سدهه .
• محشش گالوله اشسميت ابنك؟ گال مامستعجل...لأن گالولي راح تنزل حروف جديده.

• عجوز شافت ذيب، خافت.... گللهه لاتخافين ماأحب النواشف.
• نعجه صاحت مييييع سمعهه طلي گال: اروح فدوه لهل صوت .
• زرافه تگول: امنيتي ألگي بلوز ابو الرگبه يرهمني .
• وحده گالولهه بيتچ مليان تراب.. گالت صوچ رجلي ميسمع غير اغاني قديمة.
•
o محشش شاف وحده حلوه راكبه بالتاتا... نزل اخذ الرقم.
• سوداني شاف اسد گام يبچي ... گلله مروتك لاتاكلني.. گلله الاسد: بالعكس، اصلا اني ما اكل مشويات.
• واحد اشتره سياره رقمهه سليمانيه يوميه يلگه تايراتهه فاشه.. فد يوم ظل سهران يشوف منو ..طلع جيرانه الكردي يفش بالتايرات ويشتم الهوه ويصيح: أفيشششش هوه سليمانيه.

• ثور گص گرونه گالوله ليش گال : صارت مزعطه

• واحد يشتغل بشركة البيبسي.. شافه مدير الشركه يشرب سفن أب گام طرده.
• أمريكي انخطف بالناصريه.. وره فتره هدوه.. سألوا الصحفيين : ممكن تگوللنه إششفت بالأسر ؟؟ گال: ماگول.... بكيفي.
•

•