احلى النكات الشعبية

• ديچ مراهق مضوج دجاج المنطقه.. گالتله وحده: ماعندك أهل يربوك؟؟ گاللهه: لا والله تفقيس مكاين.
• محشش هارب.. اشتره جواز مال واحد اسمه حسنين وبدل الصوره..بالسيطره سألوه شسمك؟؟ گال: إثنين حسن.

• واحد خبيث أبوه مانطاه عيديه ... كتب عالباب: يعيش الزرقاوي.
• قصة أسلام أول هندوسي: مسلم زار واحد هندوسي يباركله بالمولود الجديد.. سأله: ولد؟؟ گال:لا ... گال إذن بنيه... الهندوسي تعجب.... ورأسا أعلن إسلامه.

• محشش گللتله صاحبته: آني أحبك.. گللهه خللي علاقتنه صداقة بس.
• واحد گالوله: إبنك أجته طلقه تايهه.. گال: أصيل... أكيد راح يدلليهه.
• محشش گالوله الحفله تنكريه.. دز أخوه ابداله.

• واحد لوتي سألوه: امك حيه؟؟ گال لا عگربه گالوله: لأ.. يعني هيه عايشه؟؟ گال: لا خديجه گالوله: قصدنا عدله؟؟ گال: لعد قابل عوجه

• مصرية تعاركت ويه وحده بدويه.. گالتلهه.: غوري، گتك نيله.. گلتلهه: انا غوري يادلة الگهوه؟؟
• محشش راد يقلد كاظم الساهر نزل كاسيت رائحة القدمين.
• واحد گالوله: نحزرك حزوره وإذا عرفتهه ننطيك نص مليون.. گال: لعد والنص الثاني المن؟

• خبيث صب لأبوه گهوه.. گلله ابوه: شخبار الخباثه؟؟ گلله: نص الدله ديتول.

• عجوز شافت جني گالت أعوذ بالله منك ومن شكلك.. گللهه: دروحي شلونج هسه انتي عاد؟؟

• صدام من ختل بالحفره يگللك حط فوگاهه عش حمام وحمامه وبيض وعنكبوت ومن هالشغلات.. المهم اجوي الامريكان يدورون شافوهه.. گللوله: أطلع لك كواد قابل احنه زواج مثل أهل قريش؟؟

• محشش ديزين لحيته دگ التلفون .. كام شخط خده بالموس... گال ليهنا واصل.
• محششين اثنين ديلعبون شطرنج... كلما يموت جندي ينصبوله فاتحه 3 أيام.

• عتوي گل لبزونه: نااااو كللتله: نو.. نوت ناااااو.




• واحد راح يشتري دوه لأبوه من الصيدلية، رجع لگاه ميت، گال: شوف السخيف.
• بدوي بأمريكا شاف بعير گال: يمه شنو هالوحش !! التفت له البعير وگلله: علينا يا گطران؟

• لبناني تعرف على وحده صينيه، گاللها: شو إسمك؟؟ گالت: مي ـ شان ـ شو.. گال: ميشان نتعرف.
o محشش گال للبگال: عندك سكر؟؟ گال: نعم.. گال: الحگ ..الصليب الاحمر جايبيلكم خوش ادويه.
• محشش فتح الثلاجه شاف الجلي يرجف گلله: لا تخاف ما آكلك.. جيت اشرب مي بس

• محشش مصري اشتغل حمله دار .. گال للحجاج: إزا شديتوا حيلكو معايه نرگع أبل العيد بإزن الله.

• وحده تگل لزوجها: جيراننا كل ما يطلع يبوس مرته، ليش ما تسوي مثله؟ گللهه: وتصورين توافق؟؟

o

• سكرا ن ضوّجته ذبانه، كمشها وشلع جناحاتها .... گللهه: دِدگيها مشي يبنت الكلب.
• خروف خانته نعجة، وگف تكسي ... گلله اقرب مطعم باچه... أخره بهيچ حياة

• جريده بالناصرية نشرت صورة واحد يعبّر فد أعمى الشارع، كتبوا جواهه (متى تنتهي هذه الظاهرة؟)

• شيخ جامع ستوّه متخرج، گعد يخطب بجماعه: من عطس منكم عطسة ولم يتبعها بـ( الحمد لله) فهي باطلة.
• محشش تزوج.. بليلة الدخلة گام بس يبوّس بمرته.. اخيراً ضاجت، گالتله: شنو متريد شي من جوة؟ گاللهه: إي والله، جيبيلنا ببسي وجكاير




• محشش گال للبگال: عندك جگاير كنت؟؟؟ گلله نعم.. گال: آني همينه.
• محشش قرة بالجريده إنه بالصين كل دقيقه ينولد طفل.. گال: هذا التطور، خو مو مثلنه كل 9 أشهر.
o محشش مخيم بالصحراء، دخل عليه واحد گلله: آني تعبان من الشمس.. گلله: تشرفنا ، وأني حمادي من الأرض.
• محشش سأل صاحبه: هيه مصر بعيده؟؟ گلله: ما أعتقد، لأن المصري اللي بصف محلي يوميه يجي عالبايسكل.
• محشش حزّر صاحبه، گلله: اذكرلي اسم حيوان برمائي.. گلله: تمساح.. گلله: بعد حيوان ثاني.. گلله: تمساح ثاني.
• شاب محشش، كامش بيده سيم وواگف براس الدربونه.. گالوله: ليش؟؟ گال حتى البنات تگول عني: شوفوا هذا ... شاب وسيم.
• محشش رايح للحج وماخذ وياه دودة گال: سمعت إنه الحج أيام معدودة.
• واحد من المنصور أبوه هداله كتاب ديني.. رجع ورة إسبوع لگاه متحجب.
• بدويه بمحو الأميه.. گللتلهه المعلمه: أريد جملة فيها (إدغامٌ بـِغـُنـّة) گالتلهه :عمن يعميچ

• واحد يشتغل بالمعارض مال البياع، إجاه مولود گال للممرضه: الله عليچ لاتغسليه، خللي بترابه.

• واحد صعد بتكسي، گال للسايق: نادي الشباب من رخصتك گلله: متناديهم أنته ليش آني أشتغل عد الخلفوك؟.
• وحده گلت لرجلهه: تره هذا الولد يأشرلي.. گلله لاتوكفيله .. دوسيلها.
• حرامي نجح إبنه، گلله: إبني شنو رايك بسيارة الجيران؟
o
• واحد تعارك ويه مرته، ذبها من الشباچ، وكعت بالشارع، شافهه فد سكران، گام باسهه.. هيه هم باسته.. السكران صفن... گال: عجيب، بعدهه تشتغل ليش ذابيهه؟

• الصوماليين رجعوا شاحنات المساعدات مال الأدويه للكويت.. گالوا شنسوي بيهه إذا كلهه وره الأكل؟؟

• وحده گلت لرجلهه: انته ليش إسلوبك ويايه حقير، گلهه على طاري الحقاره... شأخبار أهلچ؟
• محشش سألوه شنو رأيك بالزواج المبكر ؟ گال:والله كلما من غبشه أحسن.
• قاضي بالناصرية حكم على أحول يلظم أبر خياط مؤبد.

• مدرس سأل طالب محشش گلله :إبني شتصير من تكبر؟ گلله: شايب إستاد.

• واحد مالگه موضوع ، سأل صاحبه: أبوك الله يرحمه أشو من مات ليهسه ماسمعناله خبر؟

• ثنين سكارى، واحد منهم عثر گال: بسم الله.. الثاني گلله شلون تگول هيچي؟؟ إحنه مو كفار؟؟ گللـه: إي صدگ.. لعد أستغفر الله.

• وحده، گالت لواحد: بوسني.. گاللهه: لا عراقي

• دليمي گال لأبوه: يابه أريد أدرس برّه.. گال له: خللي أمك تفرشلك بالحوش

• واحد گال لمرته: اليوم أريد منّچ رومانسيات، خابرت لأمه سألتهه: شنو رومانسيات؟؟ گلتلهه: والله يمه ما أعرف، بس للإحتياط نگعي الباكلله وإسلگي اللحم.

• محشش عطس يم مصري ، ترس وجهه تفال، المصري گاله : أنته أرفتني، المحشش رد: والله ..يمكن أأرفك بس ناسيك؟